DOJ kinakalampag na sa Legacy

MANILA, Philippines - Ang Department of Justice ang kinakalam­pag naman ngayon ng Senado kaugnay sa pag­sasampa ng kaso laban sa mga opisyal ng Legacy Group sa pangunguna ni Sto. Domingo, Albay Ma­yor Celos de los Angeles.

Ayon kay Senator Mar Roxas, dapat agad na gu­ mawa ng aksiyon ang DOJ bilang tulong na rin sa mga naging biktima ng Legacy.

“Pukpukin natin ang DOJ. Kalampagin natin hanggang sa mag-file na sila ng kaso laban sa Le­gacy,” sabi ni Roxas.

Sinabi ni Roxas na da­pat maging mapag­bantay ang publiko at huwag ha­yaang ‘i-dribble’ lamang ang isyu nang pagsasampa ng kaso hanggang sa makali­mutan na lamang.

Idinagdag ni Roxas na naihain na ang mga rek­lamo sa DOJ laban sa mga opis­ yal ng Legacy at ma­ging sa mga kasabwat sa Securities and Exchange Commission, Bangko Sen­tral ng Pili­pinas at iba pang investors, at ini-refer la­mang ito para sa preliminary investigation ng “Task Force Legacy”.

Sinabi ng mga miyem­bro ng task force sa mga senador na gagawin ang preliminary investigation sa mga reklamo sa Marso 21.

Sinabi ni Roxas na ma­liwanag naman na napa­karaming naloko ng Le­gacy at ginamit pa ni de los Angeles sa personal na ambisyon ang salapi ng mga ito. (Malou Escudero)