150 kilong 'hot meat' nasabat

BULACAN, Philippines - Tinatayang aabot sa 150 kilong ‘hot meat’ (botyang baboy) na ikakalat sana sa ilang palengke ang nasabat ng pulisya sa Barangay Liciada sa bayan ng Bustos, Bulacan kamakalawa. Sa ulat ni P/Chief Insp. Gerry Andaya, lumilitaw na lulan ng tray­sikel ang kilu-kilong karne ng baboy na sinasabing double dead meat nang harangin sa PNP checkpoint. Wala naman maipa­kitang kaukulang papeles ang drayber at pahi­nante ng kilu-kilong karne ng baboy matapos suriin ng mga tauhan ni P/Chief Insp. Andaya at Elena Alcantara ng Bustos Agricultural Office. Ipinag-utos namang sunugin ang mga karne ng baboy habang nasa custody naman ng lokal na sangay ng Department of Social Welfare and Development ang dalawang menor-de-edad na drayber at pahinante. Boy Cruz