Sa citizenship ng Negros solon: Retired justice kinastigo ng Korte Suprema

Pinagpapaliwanag ng Korte Suprema si retired Supreme Court (SC) Associate Justice Ruben Reyes kung bakit hindi siya dapat suspendihin bilang abo­gado dahil sa leakage ng isang unpro­mulgated decision ng SC en banc na ku­muku­wes­tiyon sa citizenship ni Negros Oriental Rep. Jocelyn LImkai­chong.

Pinagbabayad din si Reyes ng P500,000 bi­ lang penalty na ang halaga ay babawasin sa retirement benefits nito na nagkaka­halaga ng P4.45 milyon.

Si Limkaichong, ay tu­makbo sa ilalim ng Lakas-CMD, kung saan nanalo ito kay dating Rep. Jerome Paras.

Noong May 17,2007, nag­palabas ng desisyon ang Comelec Second Division na nagdi-diskwa­lipika kay Limkaichong. Inayunan na­man ito ng Comelec en banc noong June 29,2007. 

Samantala, nilinaw ni Reyes na pinagbuti niya ang kanyang serbisyo sa loob ng 35 taon na panu­nungkulan sa gobyerno kaya hindi umano siya pa­payag na kahit isang sen­timo ay mabawas sa kan­yang retirement benefit nakanyang pinaghirapan.

Kung kinakailangan umano na maghain ng motion for reconsideration si Reyes ay gagawin nito. (Gemma Amargo-Garcia)