Ilang advertising company ang nagpahayag ng pagkabahala sa pagbabaklas ng pamahalaang-lunsod ng Maynila sa mga commercial billboard na nagpapakita sa anak ni dating Mayor Lito Atienza na si Kim.
Naunang billboard ni Atienza na binaklas ang nasa panulukan ng Quirino at South Super highway kung saan nakalagay sa billboard ang “animalandia”.
Hindi naman makaangal ang advertising company nito dahil baka balikan sila ng lokal na pamahalaan at madamay ang iba pang billboard na pag-aari nila.
Dito umano itinayo ang nasabing billboard dahil dito rin naninirahan ang may-ari ng animalandia na iniindorso ni Atienza.
Problemado na rin ang iba pang advertising company ng iniindorsong pro dukto ni Atienza dahil sa baka posibleng ang billboard nila ang susunod na baklasin.