31 minaltratong OFWs sa Saudi uuwi ngayon

MANILA, Philippines - Nakatakdang sunduin ni Senator Manny Villar ang pagdating sa Ninoy Aquino International Airport (NAIA) ngayong araw ng may 31 overseas Filipino workers (OFWs) na karamihan ay tumakas sa kanilang employer dahil sa sobrang pagmamal­trato at pang-aabuso sa Riyadh, Saudi Arabia. 

Ayon kay Villar, kabi­lang sa mga darating ang Pinay domestic helper na si Gloria delos Santos, 41, ng Marilao, Bulacan na may matagal nang karamda­ man sa Saudi bunga ng matinding ma­hirap ng amo sa kanya sa trabaho. 

Tinulungan ni Nacio­nalista Party President Villar ang mga OFWs na makauwi mula Saudi ma­tapos na personal na lu­mapit ang asawa ni delos Santos na si Roger Ge­mina, isang waiter sa Manila Polo Club. dahil sa sitwasyon ng kanyang asawa na nakaratay sa holding center sa Riyadh.

Nakakuha ng pagka­kataon si Gemina na ma­kahingi ng tulong kay Villar nang maging guest spea­ker ang senador sa seleb­rasyon ng ika-35 aniber­saryo ng Ubix noong naka­raang linggo na ginanap sa Manila Polo Club.

“Kapag nagpupunta po rito si Senator, ako po ang laging naa-assign sa kan­ya. Alam ko po na tumu­tulong siya sa OFW kaya naglakas ako ng loob na hingan siya ng tulong para sa asawa ko na may sakit,” ayon kay Gemina.

Nagkaroon si delos Santos ng luslos dahil pinagbuhat ng napakabi­bigat na dalahin paakyat sa ikatlong palapag ng bahay ng kanyang Ara­bong employer.

Ayon kay Gemina, iti­nuring na parang hayop ang kanyang misis ng kanyang employer dahil pinatutulog sa labas sa lugar kung saan siya nagla­laba at hindi rin pinakakain sa oras. Dahil sa matinding kalupitan ng amo, tumakas si delos Santos at sumilong sa embahada ng Pilipinas doon.

Ayon kay Villar, handa pang tumulong ang kan­yang tanggapan sa iba pang mga nagigipit na Pinoy workers. Sa gus­tong makipag-ugnayan sa kan­ya ay maaring tumawag o magtext sa OFW Helpline 09174226800. (Ellen Fernando/Butch Quejada)