Jalosjos dapat malaya na - Bureau of Corrections

Nais ng Bureau of Corrections (BUCOR) na pala­ yain na si dating Zam­boanga del Norte Rep. Ro­meo Jalosjos dahil nabuno na nito ang ipinataw na sentensiyang dalawang habambuhay na pagkabi­langgo.

Ito ay matapos na ire­komenda ni BUCOR Director Oscar Calderon kay Justice Secretary Raul Gonzalez na palayain na si Jalosjos dahil sapat na ang ibinigay na serbisyo sa kulungan bukod pa sa na­bigyan ng commutation ni Pangulong Gloria Macapa­gal Arroyo kung kaya’t bu­maba pa sa 16-taon, tat­long buwan at tatlong araw ang sentensiya nito noong June 13,2007.

Aniya, bumuno na ng 5 taon si Jalosjos sa loob pa lang ng Makati City Jail at noong Dec 14, 2008 ay bu­muno uli ng anim na taon, 10-buwan at 10–araw sa loob naman ng New Bilibid Prison (NBP) na kung su­sumahin ay pasok na uma­no sa itinakdang sentensiya sa kanya dagdag pa ang mga puntos ng kanyang magandang pag-uugali sa loob ng kulungan.

Una ng lumabas si Ja­losjos ng kulungan ngunit mu­ling inaresto ng batiku­sin ng ilang grupo ang pag­papalaya dito. Si Jalosjos ay una nang sinampahan ng kasong statutory rape at nasentensiyahan ng korte noong 1996. (Butch Quejada)