DOJ prosecutors haharap na sa panel

Haharap na nga­yong umaga sa itinatag ng Independent body ang mga opisyal ng Department of Justice (DOJ) na umano’y sang­kot sa P50-million bri­bery ka­ugnay sa pag­ba­sura ng kasong droga ng Ala­bang boys.

Ayon kay State Pro­secutor John Resado, na­tanggap na nila ang subpoena mula sa pa­nel na nagsasabing ka­ila­ngan silang du­malo sa hearing ngayong alas-9 ng uma­ga ng Pebrero 5, 2009.

Bukod kay Resado, pinatawag din ng panel si Justice Undersecre­tary Ricardo Blancaflor, Chief State Prosecutor Joven­cito Zuno, Senior State Prosecutor Philip Kimpo at State Prosecutor Mi­sael Ladaga.

Naniniwala si Re­sado na mas mayroong kredi­bilidad ang independent body kaysa sa iba na nagsasagawa ng imbes­tigasyon kaugnay sa nasabing usapin.

Pinamumunuan ni retired Supreme Court (SC) Justice Carlina Grino-Aquino ang na­sabing panel at mi­yem­bro nito sina Sandigan­bayan Associate Justice Raoul Victo­rino at ang Dean ng San Beda Gra­duate School of Law na si Fr. Ranhilio Aquino.

Mayroon lamang 15-araw ang panel upang tapusin ang nasabing imbestigasyon. (Gemma Amargo-Garcia)