Nagsimula nang maglinis ng voter’s list ang Commission on Elections para sa nalalapit na May 2010 presidential elections.
Ayon kay Comelec spokesperson at Education and Information Division Director James Jimenez, inalis na sa voter’s list ang 53,000 botante sa Bacolod na hindi nakaboto sa dalawang huling eleksyon sa bansa at kinakailangan na magparehistro muli kung nais na makaboto sa 2010 election.
Sa ngayon ayon kay Jimenez, mayroong nang 45,000 na nagparehistrong mga botante sa Metro Manila pa lamang. Ipinaliwanag pa ni Jimenez na sa ngayon ay posibleng mag-concentrate ang COMELEC sa automated election. (Mer Layson)