Planong buhayin ng mga kongresista ang Bataan Nuclear Power Plant (BNPP) dahil sa pinangangambahang krisis sa kuryente.
Sinabi ni Pangasinan Rep. Mark Cojuangco na matinding problema ang kakaharapin ng Pilipinas kung hindi daragdagan ng 3,000 megawatts ang supply ng kuryente pagsapit ng taong 2012.
Gayunman, may US$1 billion ang kailangan para sa operasyon ng NBPP kaya lang ay magdadag dag ng 10 sentimo ang mamamayan kada kilowatt hour at baka umutang pa ang gobyerno para mapaandar ang nasabing planta.
Ayon pa kay Cojuangco, ang NBPP ay puwedeng magkaroon ng 640 megawatts mula sa environment-friendly tulad ng uranium, hydrogen at thorium at mas mumura pa aniya ang kuryente kapag nagkataon.
Ipinangako ni Cojuangco na maibabalik sa mga consumer ang karagdagang 10 centavos kapag nasa operasyon na ang NBPP.
Ang NBPP ay may US$500 million proyekto ni dating Pangulong Ferdinand Marcos pero umabot ang utang na binayaran ng pamahalaan ng US$2 billion dahil sa interes na binayaran.
Ayon kay Cojuangco, hindi dapat matakot ang mamamayan sa nuclear plant dahil mas mataas pa ang radiation ng saging kaysa sa nabanggit na planta. (Butch Quejada)