Doña Mary inilibing na

Inihatid na sa kanyang huling hantungan kahapon ang namayapang ina ni dating pangulong Joseph Es­ trada na si Doña Maria Marcelo “Dona Mary” Ejer­cito sa San Juan Public Ce­metery na dinaluhan ng nasa mahigit 2,000 katao na kinabibilangan ng mga ka­anak, kaibigan at supporters.

Ganap na alas-12:30 ng tanghali ng ilagak sa kan­yang nitso ang labi ng 103-anyos na si Donya Mary sa Ejercito Musoleum na pag-aari ng pamilya Estrada kung saan dito rin nakahim­lay ang asawa nitong si Don Emilio Ejercito at mga ka­patid ng dating pangulo na sina Tito, George at Connie Ejercito.

Napuno ng mga nagga­gandahang bulaklak ang daaanan papasok sa San Juan Cemetery kung saan 230 pulis ang nag-escort at nagbigay ng seguridad sa nasabing libing habang 10 pari din ang nagsagawa ng funeral mass.

Sa kanyang eulogy, ina­ lala ng dating Pangulo Estra­da ang kabaitan ng kanyang ina at kung pa­paano siya nito pinanga­ngaralan na magda­sal sa Diyos.

Samantala, dumating kahapon sa burol ni Doña Mary si Executive Secretary Eduardo Ermita.

Sinabi ni Ermita na wa­lang halong pulitika ang kanyang pakikiramay sa pamilya Estrada.

Bukod kay Ermita, du­malaw din ang anak ni Pa­ngulong Arroyo na si Pam­panga Rep. Mikey Arroyo, dating Ilocos Sur Gov. Luis “Chavit” Sing­son at DOTC Assistant Secretary Rey­naldo Berroya. (Edwin Balasa/Rudy Andal)