Taxi posibleng magbaba ng pasahe

Posible umanong mag­­baba ng pasahe ang mga taxi ngayong taon dahil sa patuloy na pag­baba rin ng halaga ng ‘liqui­fied petroleum gas (LPG).

Inihayag ito ni Land Transportation Franchising and Regulatory Board (LTFRB) Chairman Thomp­­son Lantion kasa­bay ng pag­titiyak na walang pagta­taas sa presyo ng pasahe sa mga taxi sa imple­men­tasyon ng pagbibigay ng resibo ng mga taxi driver sa mga pasahero.

Iginiit nito na ang umiiral na flag­down rate na P30 pa rin ang dapat singilin ng mga drivers­ ng taxi sa ka­bila ng pag-iisyu ng resibo.

Malaking bagay uma­no ngayon ang patuloy na pagbulusok ng halaga ng krudo sa internas­ yunal na merkado kung saan apek­­tado rin ang LPG na gina­gamit na ngayon ng mara­ming mga taxi lalo na ang mga malalaking operators.

Gagawin namang unti-unti ng LTFRB ang imple­men­tasyon ng ba­gong polisiya sa pagbi­bigay ng resibo sa mga pasahero na hihingi nito.  Dalawang opsyon ang nakikita ng ahensya kung saan ma­aaring gumamit ang mga operators ng sariling ‘equipment’ o manual na magbigay ng resibo ang taxi driver.

Kasama sa impor­mas­yon sa resibo ang panga­lan ng taxi, halaga ng pa­sa­he, petsa, contact number, at ‘tax identification number (TIN)’.

Sinabi ni Lantion na huwag namang asahan ng mga pasahero na lahat ay makakatupad agad sa bagong polisiya kung saan kinakailangang maka­tupad ang mga ito bago magsagawa ng “technical inspection” ang LTFRB sa unang mga buwan ng 2009 bilag pa­lugit. (Danilo Garcia)