Dumlao darating na sa Enero

Inaasahan nang dara­ting sa bansa sa Enero 2009 si dating Supt. Glen Dumlao na isa sa pangu­nahing suspek sa Dacer-Corbito double murder case.

Ayon kay Justice State Prosecutor Philip Kimpo na siyang may hawak ng natu­ rang kaso, napaaga ang inaasahang pagpa­pade­port ng Amerika kay Dum­lao dahil na rin sa hindi nito pagkuwestiyon sa extradition request na isinulong ng Pilipinas laban sa kanya na syang nagbigay daan para ares­tuhin at ipiit ito sa New York.

Ani Kimpo, sa Marso 2009 ang unang ibinigay na petsa ng New York District Court na maipa­padeport si Dumlao ngu­nit sa susunod na buwan ay kanila nang pagha­handaan ang pag­pa­pade­port dito.

Sa ngayon ay nagpu­pulong na umano ang State Prosecutors para mapag­handaan ang kon­trober­siyal na kaso dahil na rin sa pagdating ng isa sa pa­ngunahing suspek sa kaso, ani Kimpo, Pag­karaan ni Dumlao ay ka­nila ring pag­hahan­daan ang pag­pa­pa­deport sa isa pang suspek sa kaso na si Supt. Cesar Mancao na nakapiit naman sa Florida.

Inamin ni Kimpo na kinokonsidera nila na ma­ging state witness si Dum­lao sa kaso sakaling aminin nito ang kanyang naging partisipasyon sa krimen at isiwalat ang nalalaman mula sa pagdukot sa mga bik­tima hanggang sa ma­pa­tay at matagpuan ang mga bangkay sa Cavite noong Nobyembre 2000.

Sa ilalim umano ng Rules of Court ay kaila­ngan muna na maging isang aku­sado ang isang magiging state witness. (Gemma Amargo Garcia)