Wala nang rollback!

Tiniyak ng mga oil companies sa bansa na wala na umanong maa­asahan pang “big-time rollback” sa produktong petrolyo kahit pa man pasapit na ang Kapas­kuhan.

Ang nasabing katiya­kan ay inilahad mismo ng mga pamunuan ng Pilipinas Shell, Petron at Chevron kay Department of Energy (DOE) Secretary Angelo Reyes sa pag­pupulong ng mga ito.

Ayon sa nasabing mga oil companies, ang P1 sa gasolina at P3 sa diesel na kanilang itinap­yas noong December 2 ang huling rollback na kanilang maibibigay kaya malabo na uma­nong mangyari pa ang inaasam na panibagong “big-time” rollback.

Giit ng “Big 3” sagad na umano ang kanilang ikinasang pag-tapyas sa kanilang mga produk­tong petrolyo noong mga na­karaang araw.

Dahil dito, nagbanta naman kahapon ang iba’t ibang sektor ng transpor­tasyon na mag­sasagawa sila ng isang organisado at malawa­kang pamban­sang trans­port strike ngayong Biyernes laban sa mga oil companies at sa pamahalaan dahil sa umano’y patuloy na pag­papabaya nito sa tulu­yang pagbasura sa Oil Deregulation Law at sa 12 % na buwis sa langis.

Ayon kay Pasang Mas­da national president Obet Martin, dapat ay P10 pa kada-litro pa ang nararapat na-iroll­back ng mga kompanya ng langis partikular sa diesel dahil malaki na ang ibinaba ng oil price sa world market.