Hukom tuturuang humawak ng baril

Sasanayin nang hu­mawak ng baril ng Korte Suprema ang mga hu­kom sa buong bansa upang ma­ pangalagaan ang ka­nilang mga sarili laban sa masasamang loob na ba­lak pumaslang sa kanila.

Nabatid na magsa­sa­gawa ng personal security training para sa mga huwes ang Korte Supre­ ma simula nga­yon na ga­gawin sa Bo­hol at mag­tatapos sa Disyembre 11.

Layunin ng tatlong araw na seminar na ma­itaas pa ang kaala­man ng mga hukom sa kanilang pansariling seguridad at madagda­gan ang kani­lang kaala­man sa kani­lang dapat gawin sa oras ng kagi­pitan kapag nala­lagay na sila sa sitwas­yong alanganin tulad ng pa­nanambang.

Base sa record ng Korte Suprema, mula taong 1999 hanggang 2007 ay 15 hukom na ang napapaslang sa buong bansa. (Gemma Amargo-Garcia)