'Zero crime' ulit sa Pacquiao-dela Hoya

Gaya ng inaasahan at nakagawian ng lahat ng mga Pinoy sa tuwing may laban ang “Pam­bansang Kamao” na si Manny Pacquiao, mu­ling naging mapayapa at walang anumang kri­men na ini­ ulat sa alin­mang himpilan ng pu­lisya sa Kalakhang May­nila at iba pang ka­ratig nitong lalawigan sa ka­sagsagan ng kanilang paghaharap ni Oscar dela Hoya.

Naging maluwag din ang mga lansangan sa bansa dahil wala halos bumiyahe at kakaunti ang mga pumasada.

Aminado naman ang Northern Police District na malaki ang partisi­pasyon ng laban nina Pacquiao at dela Hoya sa pagbaba ng krimen sa bahagi ng CAMANAVA area.

Maoobserbahan sa mga police blotter sa mga presinto na walang mas­yadong naka-re­cord na insidente ng karahasan dahil nani­niwala ang pu­lisya na maging ang mga kri­minal ay naging abala sa panonood ng laban at pinagpaliban muna ang paggawa ng krimen. (Rose Tesoro/Lordeth Bonilla)