Syndicated estafa vs 8 ex-officials ng Batelec

Inirekomenda sa Department of Justice (DOJ) ang pagsasampa ng kasong “syndicated esta­fa” sa walong dating opis­yal at miyembro ng board of director ng Batangas II Electric Cooperative (BATE­LEC II) bunsod uma­no ng maanomalyang pag­­­pasok sa dalawang kon­trata na nag­kakahalaga ng P81.1-milyon, apat na taon na ang nakalilipas, na nag­lagay sa koobera­tiba sa matinding pagka­lugi.

Sa rekomendasyon nina Batangas Prosecutors Florencio dela Cruz at Nolibien Quiambao sa DOJ, sinabing may sapat na ebidensiya para ma-diin sa kaso sina Reynal­do Panaligan at mga da-ting kasama nito sa board ng BATELEC na sina Cip­ria­no Roxas, Jose Rizal Remo, Tita Matulin, Isa­gani Casalme, Cesario Gutierrez, Celso Landi-cho at Eduardo Tagle.

Ayon sa rekord, gina­mit umano ng mga aku­sado ang kanilang implu­wensiya bilang mga mi­yembro ng board at mina­nipula umano ang pag-award sa dala­wang proyekto ng BATELEC sa dalawang kontratista na hindi du­maan sa bidding.