Pag-uwi ng 30 minaltratong OFWs sinagot uli ni Villar

Binigyan ng welcome party ni dating Senate President Manny Villar ang 30 overseas Filipino worker (OFW) na pawang minal­trato sa Abu Dhabi at nga­yo’y nakauwi ng bansa.

Sinagot ni Villar ang ka­nilang pamasahe sa ero­plano at inasikaso ang ka­nilang pag-uwi. Mismong si Villar ang sumalubong sa kanila sa paliparan kasama ang mga kamag-anak ng mga nakauwing OFWs.

Para sa nalalapit na ka­arawan ni Villar sa Disyem­bre 13 at sa papasok na Kapaskuhan, binigyan pa ni Villar ang mga napauwi niyang OFWs ng masaga­nang tanghalian sa isang native restaurant sa Roxas Boulevard. Tumanggap din sila ng mga regalo sa Senador, na nagbigay pa ng mga raffle prize.

Ang Senador, na naka­kuha kamakailan ng pina­kamataas na satisfaction rating sa hanay ng mga lider ng pamahalaan, ang suma­ got sa transportasyon ng naturang 30 OFWs at sa ka­nilang pamilya pabalik sa kani-kanilang probinsya.

Boluntaryong binaba­likat ni Villar ang gastos sa paglilikas ng OFWs na na­gipit at nagkasakit hindi lang sa Abu Dhabi kundi maging sa Jordan, Bahrain at iba pang bansa sa Gitnang Sila­ngan.

Nagbi­gay din si Villar ng tulong-pangkabuhayan sa mga karapat-dapat na OFWs upang makabangon ang mga ito mula sa masak­lap na sinapit sa ibang bansa.

Ang 30 OFWs ay sina: Ma. Cristina Eti, Verlie Cas­tillo, Elma Pugao, Joy Esta­cio, Maricar Ermita, Mary Grace Borja, Haquir Dudin, Aida Bayan, Salum­bai Ab­dul, Aleli Campo, Ginaria Pakil, Irene Pa­ngon, Maricel Patigayon, Maribeth Sa­lang­sang, Aloha Gumanay, Analyn Sarac, Leonor Ella­cer, Mary Ann Bonzato, Ma­rigel Dio­nela, Liza Plotado, Esme­ralda Ugcal, Laila Talipa­san, Lilibeth Biado, Agnes Aguilar, Nancy Sipin, Mari­tes Abogado, Maricris Cas­tillo, Lynfe Pesales, Sunshine Pineda at Vilma Paat. (Ellen Fernando)