Impeachment vs GMA aaksyunan - Nograles

Inihayag kahapon ni House Speaker Prospero Nograles Jr., na hindi ma­ kakaabala sa iskedyul at mga aktibidad ng ibat-ibang komite ng Mababang Ka­pulungan ng Kongreso ang panibagong impeachment complaint na isinampa laban kay Pangulong Arroyo.

Ayon kay Nograles, bagamat may mga mas importanteng bagay na dapat na talakayin at i-deliberate sa Kamara kum­para sa isyu ng impeachment, naniniwala aniya siya na hindi naman nito maa­apektuhan ang mga side issues tulad ng impeachment.

Ang pahayag ay gina­wa ng House Speaker ma­ka­raang sabihin ni Justice Committee Chairman Matias Defensor ng Que­zon City na layunin nilang resolbahin kaagad ang reklamo sa pama­ magitan nang pagtatakda ng serye ng mga pagdi­nig.

Ani Defensor, sinimulan nila ang deliberasyon upang matukoy kung sapat ang porma at nilalaman ng reklamo bago ito tuluyang irekomenda para sa deli­ berasyon sa plenaryo o tuluyang ibasura.

Sinabi ni Nograles, ba­gamat sa kanyang personal na pananaw ay naniniwala siyang pag-aaksaya la­mang ng oras, salapi ng taumbayan at hindi napa­panahon ang naturang impeachment complaint, nasa mandato pa rin nila na aksiyunan ito.

Samantala, sumipot sa pandinig sa Kamara si da­ting Agriculture under­secretary Jocelyn “Jocjoc’ Bolante at gaya ng sinabi nya sa Senado iginiit nito na walang fertilizer fund scam. (Butch Quejada)