Terorista, kriminal madali ng made-detect ng BI

Mas magiging madali at mabilis na para sa Bureau of Immigration (BI) na ma-detect ang mga dayuhang pumapasok sa bansa na hinhinalang sangkot sa mga Trans­national Crimes.

Ito ay dahil sa pagka­karoon na ng ugnayan ng computer database ng BI sa International Police (Interpol).

Ayon kay BI Commissioner Marcelino Libanan, simula ngayong buwan, sa loob lamang ng ilang minuto made-detect na ng mga immigration officers sa iba’t-ibang ports of entry sa bansa kung ang isang dayuhang pumasok sa Pilipinas ay sangkot sa transnational crimes.

Sa pamamagitan uma­no ng bagong database na ilulunsad sa susunod na Linggo sa Ninoy Aquino International Airport (NAIA), mas magiging madali para sa mga BI personnel na kilalanin at mapigilan ang pagpasok sa bansa ng mga dayuhang pugante.

Dahil dito, hindi na umano basta-basta ma­ga­­gawa ng mga da­yu­hang terorista, drug traffickers, human smugglers, illegal recruiters, at pedophiles na pumasok sa Pilipinas,

Ang nasabing sistema ay ilalagay din aniya sa iba pang airports at subports sa buong bansa, kabilang na ang mga nasa Cebu, Laoag, Subic, Clark, Davao, at Zam­boanga.

Ayon naman kay BI anti-fraud division chief Simeon Vallada, sa ba­gong database system i-iiintegrate ang board of control information system (BCIS) ng BI sa mobile Interpol network database (MIND).

Idinagdag pa ni Valla­da na natapos na ng mga immigration officers ang training para sa pag-operate ng bagong database system. (Gemma Amargo-Garcia)