Close helmet 'wag construction helmet ang gamitin ng riders - LTO

Tinagubilinan ng Land Transportation Office (LTO) ang mga riders ng motorsiklo na gamitin lamang ang close helmet at huwag ang construction helmet gaya ng ginagawa ng ilang driver habang nasa kalsada.

Ayon kay LTO Chief Alberto Suansing, kailangang ma­ ging responsable ang bawat riders sa kanilang kapakanan sa pamamagitan ng pagsusuot ng tamang uri ng helmet para na rin mapangalagaan ang kanilang buhay.

Ang pahayag ay ginawa ni Suansing nang mapaulat na isang rider ang nabasag ang bungo nang maaksidente sa Maynila dahil hindi ito nakasuot ng tamang helmet habang nagmamaneho ng kanyang motorsiklo.

Ani Suansing, ang construction helmet ay para lamang sa construction site at hindi ito maaaring gamitin sa pag­sakay ng motorsiklo dahil hindi nito maiingatan ang buhay ng isang driver maging ang sakay nito. (Angie dela Cruz)