Masayang disenyo ng kabaong pampagaan sa pagdadalamhati

Para kay Mary Ann Andes, 20 anyos, da­pat magkaroon ng ma­sayang kaayusan ang isang kabaong para gumaan kahit paano ang naglu­luk­sang damdamin ng mga taong namata­yan ng kanilang mahal sa buhay.

Mas mainam din anya ito sa mahihirap na mamamayan na namatayan para ma­ib­san ang kanilang kalungkutan. 

Isang tagadisenyo ng kabaong si Andes na ang pamilya ay namamalakad ng rent-a-coffin business sa Taguig, Metro Manila.

Ang ipinapaarkila nilang kabaong ay bi­nubuo ng inside at outside coffin (panloob at panlabas na ka­baong. Makikita sa outside coffin na pinapaarkila ang masayang disen­yo habang ang inside coffin ay gawa sa ka­hoy at siyang kasama ng bangkay na mali­libing.

“Tinatrabaho kong isama sa aking mga disenyo ang mga ulap na karaniwang ikina­kambal sa langit,” sabi ni Andes sa isang pa­nayam sa telepono.

Isa ring computer design student sa Asia Pacific University sa Makati City si Andes. Tinutulungan niya ang ama niyang si Antonio Andes Sr. sa kanilang negosyong paarkila­han ng kabaong na tinatangkilik ng mahi­hirap na mamamayan.

Nabatid na ang ma­tandang Andes ay na­kipagkasundo kina Trece Martirez City Mayor Jun de Sangun at Mabuhay Deseret Foundation head Bred Jackson para sa pag­papaarkila ng kan­yang mga kabaong sa mga mahihirap na namamatayan.

Ang matandang Andes din ang lumik­ha ng kabaong na pu­wedeng gamitin nang ilang beses.

Ang mga reusable coffin o kabaong na paulit-ulit na nagaga­mit ay idinisenyo para sa mahihirap.