Mga kaso sa Sandiganbayan natutulog lang - Ombudsman

Aminado si deputy Ombudsman Mark Jalan­doni na hindi bababa sa 1,000 kaso ang natutulog ngayon sa Sandigan­bayan

Ito ang sinabi ni Ja­landoni makaraang ma­bigong masilbihan ng warrant of arrest ang mga respondent o mga ina­akusahan ng ibat ibang kaso ng katiwalian na naisampa ng kanilang tanggapan sa Sandigan­bayan

Sinabi ni Jalandoni na ang naturang bilang ay kanilang nadiskubre ma­tapos magsagawa ng imbentaryo sa mga na­isampa nilang kaso at kanilang nadiskubre na itoy simula pa pala noong taong 1990.

Ipinaliwanag ng na­turang opisyal na taliwas sa mga procedure sa mga regular courts, hindi ma­aaring dinggin ang kaso ng isang respondent na may kinakaha­rap na kaso sa Sandi­ganbayan kung hindi pa ito naaaresto.

Sa Sandiganbayan maaari ang trial by absentia.

Ayaw namang kumpir­mahin ni Jalandoni kung sinasadya umanong hindi aksiyonan ng Office of the Sheriff ng Sandiganbayan ang pagbibigay ng warrant of arrest sa mga res­pondent.

Sinabi pa nito na dahil naisampa na ang natu­rang kaso sa Sandigan­bayan nangangahulugan anya na masasabing mga “big fish” sa gobyerno ang mga nasangkot na opis­yal na may kapit sa “taas” kaya hindi maisulong ang kaso laban sa mga ito. (Angie dela Cruz)