Razon nag-iimpake na
Nagsisimula ng mag-impake si outgoing Philippine National Police (PNP) Chief Director General Avelino Razon Jr. kaugnay ng napipinto nitong pagreretiro sa serbisyo sa darating na Setyembre 27 pagsapit ng kaniyang ika–56 taong kaarawan na siyang mandatory age retirement sa PNP at AFP.
Wish ni Razon na mabitag muna ang tatlong wanted na Moro Islamic Liberation Front (MILF) Commanders na sina Bravo, Kato at Pangalian bago siya magretiro.
Plano ni Razon na tumungo sa Davao upang personal na alamin ang ginagawang pagtugis ng kanyang mga tauhan sa tatlo.
Gayunman, ayon kay Razon kung hindi naman magawang masakote ang tatlo bago siya magretiro ay ipagpapatuloy na lamang ito ng susunod na PNP Chief.
Masayang magreretiro si Razon dahil alam umano niyang ‘in good hands ‘ ang PNP sa kaniyang successor at itutuloy nito ang Transformation Program para sa kapakanan ng mga tauhan at opisyal ng pambansang pulisya.
Nag-iisang inirekomenda ng National Police Commission (Napolcom) kay Pangulong Arroyo si PNP Deputy Chief for Administration Deputy Director General Jesus Verzosa bilang susunod na PNP Chief. (Joy Cantos)
- Latest
- Trending
