Binatikos ni businessman Joey de Venecia ang gobyerno dahil sa bakbakan sa North Cotabato at gayundin sa labanang nagaganap ngayon sa pagitan ng mga sundalo at mga rebeldeng Moro Islamic Liberation Front (MILF) sa Lanao del Norte.
Aniya, ang mga digmaang ito ay nagresulta ng pagkamatay ng ma rami, pagkasugat ng iba pa at pagkawala ng tirahan ng mga inosente, sa kagustuhan lamang ng pamahalaang Arroyo na maisulong ang pagbabagong bihis sa Saligang Batas.
Ang batang de Venecia, anak ni dating House Speaker Jose de Venecia Jr., at naging whistleblower sa maanomalyang US$ 329. 48-million NBN-ZTE broadband deal, ay nagpa hayag din ng kalungkutan sa aniya mala-impiyernong sitwasyon ngayon sa Mindanao.
Sa kanyang pahayag, sinabi ni Joey na nalulungkot siya kung bakit kina kailangang magbuwis ng buhay ang marami nating kababayan, kabilang na si Marine Cpl. Angelo Abeto, para lamang maisakaturapan ng gobyerno ang GRP-MILF Memorandum of Agreement on Ancestral Domain (MOA-AD).
Dahil dito, nanawagan si Joey sa taongbayan na tumulong sa pagsagip sa ating mga kababayan na nahaharap ngayon sa matinding krisis sa Mindanao, partikular yung mga nasa evacuation centers.
Nanawagan din siya sa Supreme Court at Kongreso na tuluyang ibasura ang MOA-AD. (Butch Quejada)