‘Di lang ganda, Sipag at Tiyaga puhunan para magtagumpay

Dalawang babaeng negosyante ang nakadis­kubre na ang kagandahan na sinamahan pa ng Si­pag at Tiyaga ay siya nilang magiging puhunan upang makamit ang ta­gumpay. 

Kabilang sina Ma­rianne Olano ng Naga City, Camarines Sur at Regina Madio ng Tabuk City, Kalinga sa 16 na mga negosyanteng Pinoy na pinarangalan bilang mga malikhain at bagong sibol na negosyante ng bansa sa ilalim ng “Pondo sa Sipag, Puhunan sa Ti­yaga”. 

Ang naturang progra­ma ay inilunsad ng Nacio­nalista Party (NP) na pi­namumunuan ni  Senate President Manny Villar kasabay ng pagdiriwang sa sentenaryo ng partido. P1.6 milyon ang kabu­uang pa-premyo na ibini­ gay ng NP sa 16 na mga nagwaging negos­yanteng Pinoy na isina­buhay ang Sipag at Tiyaga para maka­mit ang tagum­pay. 

Ang negosyo ni Olano na Baycrafts Shoppe, at ang Praj’s Gift Shoppe ni Madio ay parehong naka­tuon sa mga produktong dagdag-pampaganda ng mga kababaihan. Ang Bay­craft Shoppe sa Naga City ay kilala dahil sa mga de-kalidad na custom jewelry. Lakas ng loob ang puhunan ni Olano dahil wala siyang alam noong una sa kan­yang pinasok na negosyo.

Ang kakulangan ng sa­pat na kaalaman sa kan­­yang pinasok na ne­gosyo ay hindi naging had­lang para kay Olano. Nagbunga ang Sipag at Tiyaga ni Olano. 

Sa kabilang dako, kahit kulang sa puhunan, baon sa utang at walang masya­dong kaalaman sa pagne­negosyo, nagsumikap pa rin si Madio sa paggawa at pagbebenta ng mga magagandang native pro­ducts na yari sa mga material na makikita sa Cordillera Region. 

Sa tulong ng DTI, lalo na sa aspeto ng mga di­senyo ng kanyang pro­dukto, kinilala ang maha­lagang papel ni Madio sa paglilinang ng kultura at tradisyon ng mga taga-Kalinga. 

Ang kanyang Praj’s Gift Shoppe na nag-um­pisa noong April 2002 ay nagsisilbing ‘one stop shop’ ng mga pitaka, bag, dekorasyon sa bahay na yari sa mga hinabing damo at ibang materyales na matatagpuan sa Kali­nga. 

“Ang katangian ni Ola­no at Madio na umahon sa hirap dahil sa Sipag at Tiyaga ay sapat nang dahilan para kilalanin sila bilang mga bayani ng kanilang lugar. Sila ang mga bagong usbong na negosyanteng Pinoy na kinakailangan ng ating bayan sa ngayon,” paha­yag ni Sen. Villar.