MMDA binalaan ng CHR sa ‘Oplan Agaw Manibela’

Binalaan ng Commission on Human Rights (CHR) ang Metro Manila Development Authority (MMDA) hinggil sa mga ipinatutupad nitong “Op­ lan Agaw Manibela” para ma­lutas ang matinding pag­sisikip ng trapiko sa Kalak­hang Maynila.

Tinukoy ni CHR Chairperson Leila de Lima ang panibagong gimik ng mga tauhan ng MMDA na aga­win sa mga tsuper ng pam­pasaherong sasak­yan ang manibela kapag lumagpas ang mga ito sa 30 segun­dong pagbaba at pagpick-up ng pasa­hero.

Ayon kay de Lima, ma­ra­pat ding timbangin muna at ikonsidera ng MMDA ang idudulot na epekto ng ka­nilang mga programa dahil baka nakasasagasa na ito sa karapatang pantao ng publiko.

Sa kaso aniya ng pro­yek­tong ito, hindi sapat ang 30 segundo para makasa­kay o makababa ang mga pasahero, isang malinaw na pagkakait sa kanilang karapatan para sa ligtas na public transport at social service, at ang karapatan laban sa non discrimination. (Angie dela Cruz)