Nanalong kandidato sa ARMM polls ipoproklama ngayon

Umaasa ang Come­lec na maipoproklama nga­yong araw ang mga nana­long kandidato sa katata­pos na automated elections sa Autonomous Region in Muslim Minda­nao (ARMM).

Ayon kay Comelec Chairman Jose Melo, kaha­pon pa lamang ng umaga ay umaabot na sa 84 por­syento ng mga boto ang natapos nang bilangin ng ARMM Board of Canvassers.

Bunsod nito, malaki aniya ang posibilidad na bago mag-5:00 ng hapon ngayong araw ay ma­iprok­lama na ang mga nagwa­ging kandidato sa kauna-unahang  automated election sa bansa. 

Paliwanag ni Melo, kinakailangan umanong 100 porsyento munang matapos ang bilangan dahil iyon ang naka­programa sa mga machine bago ito magpa­labas ng certificate of canvass and proclamation.

Bagamat kuntento na­man sila sa naganap na halalan ay nababa­galan naman sila sa bi­langan.

Samantala, bagamat kamakalawa pa lamang ng hapon ay nagsimula nang mai-transmit ang mga boto sa Comelec main office sa Intramu­ros, Maynila ay tumanggi naman ang Comelec na magpalabas ng partial results nito upang maiwa­san umano ang pagkaka­roon ng “trending.” (Doris Franche)