Pagharap sa media ng mga suspek balak ipatigil ng PNP

Posibleng ipatigil na ng Philippine National Police (PNP) ang nakau­galian na “papoging” pag­pi­ prisinta sa media ng mga naarestong suspek sa mga krimen na pinag­hi­ hinalaan pa lamang.

Sinabi ni Deputy Di­rector General Jesus Ver­soza na nakatakda nilang rebisahin ang naturang polisiya matapos na ma­ katanggap ng kritisismo buhat sa mga “human rights group”.

“May mga isyu na na­lalabag umano ang kara­patan ng isang naares­tong suspek na ma-pre­sume na inosente pa hang­gang hindi pa napapatu­ nayan ang pagkakasa-     la sa korte,” ayon kay Versoza.

Inihayag rin nito na napag-isip-isip nila ito matapos na magpakalat ng e-mail ang Asian Hu­ man Rights Commission (AHRC) na umeeng- gan­yo na igiit sa PNP, AFP at iba pang opisya­les ng pamahalaan na itigil na ang naturang presen­tas­yon base sa isinasaad  ng Section 14 (2) ng 1987 Phi­lippine Constitution ukol sa “pre­sumption of inno­cence” ng isang tao.

Una nang tinuligsa ng AHRC ang ginagawang presentasyon ng PNP sa mga nahuhuling suspek kung saan nagdudulot ng matinding kahihiyan sa pamilya ng mga ito kahit na hindi pa naman napa­pa­ tunayan ang pagka­kasala upang maipakita lamang sa publiko na may ginagawa silang aksyon laban sa krimen.

Matatandaan na nag­sampa ng kaso sa CHR ang isang dating sundalo na suspek sa RCBC mas­sacre na agad iprinisinta sa media ma­tapos na arestuhin sa loob mismo ng Fort Boni­facio. Wala namang mai­labas na ma­tibay na ebi­densya ang PNP laban sa suspek ma­­tapos na iharap ito san­hi upang pansaman­talang maka­laya muna ito.