Sulpicio ginisa ng mga kongresista

Ginisa kahapon ng mga kongresista ang Sul­picio Lines sa pagpapa­tuloy ng pagdinig kaugnay sa paglubog ng MV Princess of the Stars.

Sinumbatan ni Zamba­les Rep. Mitos Magsaysay ang Sulpicic dahil ilang ulit na itong nasangkot sa trahedya sa karagatan pero tila hindi pa rin ito nadadala.

Kinuwestiyon din ni Parañaque Rep. Roilo Golez ang Sulpicio kung bakit nakataas na ang storm signal sa daraanan nito ay tumuloy pa rin ito at sinagasa ang bagyo.

Pero ibinato naman ng Sulpicio ang respon­ sibili­dad sa kapitan ng barko.

Gayunman, hindi ti­nanggap ng mga kongre­sista ang katwirang ito ng Sulpicio dahil may kapang­yarihan umano itong iutos sa kapitan na huwag nang ituloy ang paglalayag. (Butch Quejada)