Hindi nakadalo si Pangulong Gloria Macapagal-Arroyo sa ika-110 anibersaryo ng Presidential Security Group sa Malacañang Park kahapon ng umaga.
Tanging sina Armed Forces chief Alexander Yano at Intelligence chief Romeo Prestoza ang naging panauhin sa okasyon.
Napag-alaman na wala rin sa programa si Pangulong Arroyo kaya hindi na ito nakapunta dahil na rin sa hectic ng schedule nito sa Malacanang.
Ang PSG na composite team mula sa AFP at Philippine National Police ang nagbibigay ng seguridad sa Palasyo gayundin sa Pangulo ng bansa.
Nasa Malacanang lamang naman si Pangulong Arroyo kahapon ng umaga kung saan ay tinanggap ang farewell call ni outgoing Iceland Ambassador Thordur Aegir Oskarsson na nakabase sa Tokyo, Japan. (Rudy Andal)