3 senador mahilig mag-‘abroad’

Hindi lamang si Pangu­long Gloria Arroyo ang mahilig magbiyahe sa ibang bansa dahil mara­ming se­ nador din ang ilang beses nang lumabas ng Pilipinas kung saan na­ngunguna sa listahan sina Edgardo An­gara, Miriam Defensor San­tiago at Richard Gordon.

Sa loob ng 88 session days mula Hulyo 23, 2007 hanggang Hunyo 11, 2008, 20 beses lumabas ng bansa o nag-“official mission abroad” (OMA) si Angara, si Defensor na chairman ng Senate committee on foreign relations ay 15 na sinundan naman ni Gordon na 13.

Si Aquilino Pimentel ay 8 beses lumabas ng ban­sa, Mar Roxas at Rodolfo Bia­zon tig-5 beses, Juan Miguel Zubiri 4 na beses at Alan Peter Cayetano, 3 beses.

Sina Pia Cayetano, Jamby Madrigal, at Ramon Revilla Jr., ay tig-2 beses na bumiyahe, isang beses lamang nag-OMA sina Francis Escudero at Pan­filo Lacson.

Ang mga senador na nag “official mission abroad” ay ang mga umalis ng Pili­pinas habang may sesyon ang Senado.

Kung dati ay si Zubiri ang nangunguna lagi sa listahan ng mga laging late na senador tuwing may sesyon, naungusan ito nga­yon ni Madrigal na nakapag-tala ng 24 late, Zubiri 22 at Biazon 21.

Kahit isang beses ay hindi naman na-late sina Lac­son, Jinggoy Estrada at Manuel Villar. (Malou Escudero)