Tulong ’di raw nakakarating sa mga biktima ni Frank

Hiniling kahapon ni Senate Minority Leader Aquilino Pimentel Jr. kay Pangulong Arroyo na ipa­ liwanag nito sa publiko kung paano at saan niya ginamit ang kanyang multi-bilyong calamity, social, contingent, confidential at iba pang discretionary funds.

Ginawa ni Sen. Pimen­ tel ang panawagan dahil na rin sa reklamo ang ta­um­bayan lalo ang naapek­tuhan ng bagyong Frank sa Panay island na hindi nakakarating sa kanila  ang mga delivery ng emer­gency relief assistance    na mula sa national gov­ ern­ment. 

Kahit ang mga napag­kalooban ng mga relief goods ay umaangal dahil hindi naman sapat ang kanilang natanggap bilang pantawid-gutom matapos silang salantain ng bagyong Frank. 

Aniya, walang rason ang pamahalaan upang hindi sila makapagbigay   ng sapat na assistance    sa mga nasalanta ng bag­yo dahil na rin sa tinata­yang P20 bilyong kinita     ng pa­mahalaan mula sa   12 percent na VAT sa pro­duk­ tong petrolyo. 

Obligasyon umano ni Mrs. Arroyo na ipaliwanag sa taumbayan kung saan niya ginastos ang P9 bilyon calamity fund, P4.7 bilyon President’s Social Fund, P800 milyon na contingency fund at P650 milyon intelligence fund.  

Bukod dito, giit pa ni Pi­mentel, ay mayroon ding discretion si PGMA para gastusin ang P50 bilyon  na unprogrammed fund na P5 bilyong Kilos Asenso fund at P3 bilyon na Ka­layaan sa Barangay fund.  

Upang maging mali­ wa­­nag ang ginagawang pag­gastos sa nasabing pondo ay dapat lamang magka­roon ng full ac­counting sa nasabing pondo. (Rudy Andal)