Smith inilipat sa container van

Nakakulong ngayon sa loob ng isang 40-foot na container van sa loob ng United States Embassy sa Maynila ang  sentensyadong rapist na sundalong Amerika­nong si Marine Lance Corporal Daniel Smith matapos gibain ang gusaling dati niyang kinakukulungan.

Sinasabi sa ulat ka­hapon ni  Department of Interior and Local Government Undersecre­tary for Public Safety Atty. Marius Corpus, nalaman niyang nakaku­long sa loob ng container van si Smith nang bisitahin niya ito kama­kailan.

Maayos pa rin na­man ang kundisyon ni Smith dahil sa “aircon­ditioned” naman ang kuwarto nito sa loob ng container van, may sa­riling comfort room at visiting area.  Dalawang guwardiya rin naman ang nagbabantay ditto.

Sinabi rin ni Corpus na makikipag-usap siya sa US Embassy para sa posibilidad na mapag­bigyan ang kahilingan ng militanteng grupong Task Force Subic Rape na magsagawa rin sila ng sariling “ocular inspection” upang maka­tiyak na nakakulong nga si  Smith. (Danilo Garcia)