NAIA 3 nag-dry run

Dahil sa kalumaan matapos ang mahabang panahong pagkakaantala nitong magbukas, pumalya umano ang ilang kaga­mitan sa Ninoy Aquino International Airport (NAIA) Terminal 3 sa isinagawang public simulation at dry run ka­hapon.

Ginawa ang dry run sa arrival area upang makita kung magiging maayos itong daraanan ng mga pasahero at kung magka­karoon ng problema sa mga kagamitan at ma­kinang gagamitin.

Sinabi ni Manila International Airport Authority (MIAA) General Manager Al Cusi na pagtutuuan nila ng pansin ang mga gamit na dispalinghado na pa­litan para sa pormal na pagbu­bukas ng paliparan sa susunod na buwan upang isiguro na walang palpak sa pasisimulang domestic flight operation. 

Libu-libong pasahero ang maaaring ma-accommodate ng NAIA 3 para sa paunang domestic flights kung saan karamihan ay nag­sisiksikan sa Domestic Airport. (Ellen Fernando)