Gas, may prepaid card na rin
Sinuportahan kahapon ni Sen. Francis Escudero ang ginawa ng Seaoil Philippines na magbigay ng prepaid cards para sa kanilang mga consumers upang masiguradong hindi sila agad maapektuhan ng halos linggo-linggong pagtaas ng presyo ng mga produktong petrolyo.
Naniniwala si Escudero na dapat na gayahin din ito ng tatlong malalaking oil companies sa bansa na kinabibilangan ng Shell, Caltex at Petron.
Wala aniyang dahilan upang hindi ito magaya ng tatlong nabanggit na kompanya ng langis dahil maliit na di hamak ang Seaoil kumpara sa mga ito.
Nakapako sa P53.50 bawat litro ang presyo ng gasoline sa prepaid card ng Seaoil na dapat na magamit sa loob ng 11 linggo mula Hunyo 10 hanggang Agosto 22 at nabibili sa halagang P1,070.
Nakasaad din dito na sakaling magkaroon ng roll back sa presyo, ibabalik ito ng kumpanya sa mga consumers. (Malou Escudero)
- Latest
- Trending
