Drivers license gagamitin ng bangko sa pautang

Gumagawa ngayon ng isang sistema ang Land Transportation Office (LTO) at ang mga bangko upang maberepika mula sa pag­gamit ng internet ang rec­ord ng isang drivers license holder na may transak­siyon sa mga bangko.

Ayon kay LTO Assistant Secretary Alberto Suan­sing, nakipagpulong siya sa mga opisyales ng Bankers Association of the Philippines Cre­dit Bureau, Inc. (BAPCB), Philippine Finance Association (PFA) at ang IT company ng LTO upang isapinal ang pagbuo ng isang web-based facility na maglalaan sa mga bangko at mga financial institutions sa pa­ mamagitan ng access sa LTO database tungkol sa rekord ng mga drivers license holder at mga rehis­tradong sa­sakyan.

Sinabi ni Suansing na takda nilang lagdaan ang isang kasunduan sa mag­kabilang panig sa susunod na buwan upang maipatu­pad ang naturang pro­yekto.

Ang proyekto ay mag­bibigay daan sa mga bang­ko at financing companies na ma-verify electronically sa pamamagitan ng internet ang rekord ng isang driver at ang status ng sasakyan na gagamitin collateral kapag umutang ang isang indibidwal sa bangko. (Angie dela Cruz)