Magdamit ng disente sa pagsisimba - CBCP

Hindi nagustuhan ng isang mataas na lider ng Simbahang Katoliko ang patuloy pa ring pagsusuot ng hindi disenteng damit ng mga tao sa kanilang pag­ dalo sa banal na misa, sa kabila nang nauna nang advisory ng simba­han hinggil dito.

Sinabi ni Davao Archbishop at dating Catholic Bishops‚ Conference of the Philippines (CBCP) President Fernando Ca­palla na hindi sapat na dahilan ang “personal freedom’ ng isang indibid­wal upang hindi na mag­pakadisente sa pag­harap sa Panginoon.

Tahasan din namang iginiit ng arsobispo na maituturing na isang “ka­hangalan” kung ang personal na kalayaan ang ga­gamiting rason ng isang tao upang hindi magsuot ng maayos na damit sa pagsi­simba.

Paliwanag ni Capalla, bagamat naninirahan ani­ya tayo sa isang demo­kra­ti­kong bansa, na may garan­tiya ang kalayaan ng bawat isa, ay mayroon din naman umanong limi­tasyon ito.

Nanawagan rin naman ang arsobispo sa kani­yang nasasakupan na magsuot ng disente at simpleng damit tuwing dadalo sa mga relihiyo­song pagtitipon.

Ang kanyang panawa­gan aniya ay hindi lamang para sa mga mananam­palataya kundi maging sa mga pari at iba pang opis­yal ng simbahan.

Ayon kay Capalla, ang shorts at jogging pants ay isinusuot lamang dapat sa sporting occasions at hindi sa pagsisimba, habang ang maiikling damit na maitu­ turing na aniyang parang beach wear, ay hindi rin aniya bagay sa pagdalo sa banal na misa. (Doris Franche)