Zubiri namemeligro sa recount?

Nanganganib na ma­tanggal pa sa pu­westo si Senator Juan Miguel Zubiri matapos ihayag ni Senate Minority Leader Aquilino Pimen­tel Jr., na luma­mang na sa recount ng Senate Electoral Tribunal  ang anak niyang  si Genuine Opposition candi­date Aquilino “Koko” Pimentel III.

Ayon kay Pimentel, sinunod na nila ang SET rules na ang protesting candidate ay kailangang patunayan na may basehan sila sa protesta sa pa­ mama­gitan ng pag­papakita ng ebiden­siya kahit man lamang sa 25 por­syento ng election results sa pilot areas.

Inihayag ni Pimentel na sa isinagawang physical counting ng 664 precincts  mula sa Maguindanao,  Shariff Ka­bunsuan, Lanao del Norte at Sulu, si Koko ay lamang na ng 17,117 boto kay Zubiri.

Pero nagbabala ka­hapon ang kampo ni Zubiri kay Pimentel sa pamamagitan ng abo­gado nitong si George Erwin Garcia na ta­nging ang SET lamang sa pamamagitan  ng isang resolusyon ang maaaring maghayag ng isinasagawang recount at hindi pa tapos ang bilangan. (Malou Escudero)