Grade 1 ‘libre’ sa school uniform

Tinagubilinan kaha­pon ni Pangulong Gloria Macapagal-Arroyo si Department of Education Secretary Jesli La­pus na huwag nang obli­gahin ang mga grade 1 pupil na magsuot ng uni­form sa pagpasok nila ngayong darating na pagbubukas ng klase sa June 10.

Sinabi ng Pangulo sa kanyang talumpati sa inagurasyon ng Ibajay steel bridge sa Ibajay, Aklan na ang kautusan niyang ito ay bahagi ng programa ng gobyerno upang mapataas ang bilang ng mga batang mag-aaral particular ang papasok ng grade 1.

Wika pa ng Pangulo, ang hindi pag-oobliga sa mga papasok na grade 1 pupil ngayong pagbu­bukas ng klase ay mala­king kabawasan sa gas­tusin ng mga magulang lalo ang mahihirap na pa­milya na nasa kana­yu­nan.

Aniya, ang pag-oobli­ga na magsuot ng uni­porme ang mga grade 1 pupil ay dagdag na gas­tusin sa mga  magulang at nagiging sagka pa rin ito upang makapasok sa unang baitang ang mga bata lalo ang nagmu­mula sa mahihirap na pamilya. (Rudy Andal)