12 oras na walang tubig sa Caloocan at Malabon; 8 oras sa Quezon City

Labindalawang oras na walang tubig sa ilang bahagi ng Caloocan at Malabon simula alas-11 ng gabi ng Huwebes (Mayo 29, 2008) hang­gang alas-11 ng umaga sa susunod na araw (Biyernes) Mayo 30.

Ayon sa Maynilad Waters, ang sanhi ng water interruption ay dahil sa gagawing interconnection ng  300-mm line sa dating 450-mm mainline sa  Re­paro St. malapit sa kanto ng Gladiola St., Malabon City. Samantala, 8-oras na walang tubig  sa ilang ba­hagi Quezon City simula alas-10 ng gabi ng Huwe­bes, Mayo 29, hang­gang alas-6 ng umaga, ng Bi­yernes, Mayo 30, sanhi ng pag­papalit ng nasirang 300-mm ACP watermain­line sa pagitan ng Roose­velt Ave. Epifanio delos San­tos Avenue at Dangay St., Quezon City.

Ang mga lugar na mawawalan ng tubig sa loob ng 12-oras ay ang Bagong Lote at kalapit na lugar nito, Gladiola St., kabuuan ng Circumferential, at Ara­neta University sa Caloo­can City at Bgys. 140 hanggang 144 sa Mala­bon City. Sa kabilang banda, ang mga lugar na mawawalan ng tubig sa QC sa loob ng walong oras ay ang mga Bgys. Veterans, Bungad, Del Monte, Kati­ punan, San Antonio, Paltok, Paraiso, Masam­bong, Da­mayan, Mariblo, Apolonio Sam­son, at ilang bahagi ng Bahay Toro. Mahina na­man ang suplay ng tubig sa ilang lugar sa QC sa loob ng 8 oras sa bahagi ng Bgy. Sienna, Bgy. Manresa, Bgy. Balin­gasa at Bgy. Talayan. (Angie dela Cruz at Lordeth Bonilla)