Tiniyak kahapon ng Department of Foreign Affairs na walang Pilipino na nadamay sa 7.8 magnitude na lindol na yumanig sa Sichuan, China noong Lunes.
Sinabi ni DFA Spokesman Claro Cristobal na, batay sa inisyal na pagtaya ng Chengdu-based overseas Filipino workers, wala namang mga Pinoy na nadamay sa nasabing lindol na kumitil sa buhay ng halos 10,000 residente sa lugar.
Nabatid na umaabot sa 397 Pinoy ang naitalang nasa Chengdu hanggang noong Pebrero 2008. Karamihan sa mga ito ay nagtatrabaho doon bilang mga guro, inhinyero, technician at mga musician. (Mer Layson)