Bangkay ng Pinay na nag-suicide sa UAE, iuuwi na

Matapos ang halos tatlong buwan ng pagka­kalagak sa morgue ay nakatakda nang iuwi sa bansa ang bangkay ng isang Pinay domestic hel­per na nag-suicide sa Uni­ted Arab Emirates (UAE) sanhi ng matinding de­pres­yon. 

Nabatid na nag-solicit ng pondo ang mga opisyal ng Philippine Consulate at ang komunidad ng Filipino Muslim doon para maiuwi ang labi ni Noraida Ayu­nan, 27 anyos, sa Cota­bato.

Sa report na tinanggap ng Department of Foreign Affairs (DFA), si Ayunan  ay tumalon sa isang gu­sali sa Sharjah noong Pebrero 6, 2008 habang nagbabakas­yon umano ang mga employer nito. 

Alinsunod sa tradisyon ng mga Muslim ang kani­lang mga patay ay kaila­ngang mailibing sa loob ng 24 oras pero dahilan sa kawalan ng pera ay nagta­gal sa morgue sa Sharjah ang labi ng nasa­bing Pinay. (Joy Cantos)