Kamara pasok sa ‘palpak’ na penis enlargement

Mag-iimbestiga ang Mababang Kapulungan ng Kongreso sa mga cosmetic clinic at surgeon hinggil sa umano’y palpak na operas­yon sa mga pasyenteng tumangkilik sa kanila.

Ipatatawag ng House Committee on Health ang mga kilalang personali­dad na may-ari ng mga cos­me­tic clinic para big­yan linaw ang mga ba­litang nagka­roon ng ka­palpakan sa ka­nilang ginawang pag-oopera sa ilang pasyente nila.

Ayon sa ulat, ipata­tawag sa Kamara ang mga sikat na persona­lidad tulad nina Drs. Manny at Pie Calayan at Vicki Belo at iba pang may-ari ng ganitong kla­seng klinika.

Napag-alaman na iimbi­­tahan ng Kongreso si Louem Martinez, na sina­sabing naging biktima ng hindi magandang operas­yon kaugnay sa penis en­largement na ipina­gawa nito. 

Ayon sa ilang kongre­sista, dapat bigyan kata­rungan ang mga sina­sabing naging biktima ng umano’y kapalpakan. (Butch Quejada)