GMA nainis sa DOJ

Nainis kagabi si Pa­ngulong Arroyo sa mga opisyal ng Department of Justice (DOJ) dahilan sa umano’y kabagalan ng mga ito sa pagsasampa ng kaso sa mga na­arestong rice hoarders.

Sinermunan ng Pa­ngulo si National Bureau of Investigation (NBI) anti-rice hoarding head Atty. Ri­cardo Diaz dahilan sa pagko-concentrate nito sa pag-iinspeksyon sa mga rice miller sa halip na sa mga traders lamang.

Kinuwestiyon din nito si Senior State Prosecutor Roberto Lao kung bakit hanggang sa nga­yon ay hindi pa nakaka­suhan ang mga na­arestong rice traders noong nakaraang linggo.

Dahil dito kaya ipinilit ng Pangulo sa DOJ na ka­agad isampa ang kaso sa mga rice hoarders sa Mayo 2 at inatasan na kaagad na magbigay ng feedback sa kanya saka­ling maisampa na ang mga kaso.

Siniguro din ng Pa­ngulo na babalik siya sa Mayo 9 upang personal na alamin kung ano ang development ng kaso.

Samantala, siniguro naman ni Pangulong Arroyo na mananatili sa pu­westo si Gonzalez tulad ni Defense Secretary Gilbert Teodoro. (Gemma Amargo-Garcia)