Pangungunahan ngayon ni Pangulong Arroyo ang ground-breaking ng P11.6 bilyong Tarlac-La Union toll expressway project sa La Paz, Tarlac.
Mismong si Pangulong Arroyo ang mangunguna sa capsule-laying ceremony para sa nasabing 88.5 kilometrong expressway mula sa La Paz, Tarlac hanggang sa Rosario, La Union.
Ang gobyerno ay maglalaan ng P3.7 bilyon kung saan ang P793 milyon ay gagamitin para sa pagbili ng right of way upang mapalapad sa 4-lane ang nasabing expressway habang ang P2.9 bilyon naman ay gagamitin sa mismong konstruksyon ng expressway.
Inaasahang matatapos ang Tarlac-La Union toll expressway sa 2013 na malaking tulong sa mga motorista gayundin sa mga pasahero dahil iiksi na ang kanilang travel time na dalawang oras na lamang mula Tarlac hanggang La Union. (Rudy Andal)