Laban di isusuko ni Faeldon

Hindi isusuko ng pugan­teng si Marine Captain Nicanor Faeldon ang laban sa diuma­no’y talamak na korapsyon at iba pang uri ng katiwalian sa admi­nis­trasyon ni Pangulong Arroyo.

“I will never give up the fight. I will not be judged by a criminal syndicate masquerading as government,” ani Faeldon sa pama­magitan ng kanyang legal counsel na si Atty. Trixie Cruz-Angeles. 

Sinabi ni Angeles, ang na­sa­­bing mensahe ay ipinarating sa kaniya ni Faeldon sa ka­nilang pinakahuling pag-uusap pero tumangging tukuyin kung paano sila nakapag-usap.

Ayon pa kay Angeles, ang patuloy na pagmamatigas ni Faeldon ay bahagi ng “civil disobedience” ng kanyang kli­yente laban sa gobyerno.

“While he (Faeldon) is willing to take responsibility for any and all of his actions, he will not allow an illegitimate authority to exercise power over him,” ani Cruz-Angeles.   

Si Faeldon, may patong sa ulong P1-M ay nahaharap sa kaso ng bigong coup d‚ etat noong Hulyo 27, 2003  nang sakupin ang Oakwood Premiere Hotel at siege sa Manila Peninsula Hotel noong Nob­yembre 29, 2007; pawang sa Makati City. (Joy Cantos)

Show comments