Pinapurihan ni PNP Deputy Director Gen. Jesus Verzosa ang Gawad Kalinga at ibang partner shelter agencies ng PNP matapos pasimulan ang ‘housing at quartering program’ para sa mga pulis na walang sarili at disenteng bahay.
Ayon kay Verzosa, tumatayo ring chairman ng PNP Housing Board, ang PNP Personnel Quartering and Housing Program ay isa sa mga pangunahing proyekto ng pambansang pulisya sa ilalim ng PNP Integrated Transformation Program.
Pinasalamatan din ni Verzosa si PNP Chief Director Gen. Avelino Razon Jr. dahil sa inisyatiba nito na isulong ang programang pabahay para sa mga pulis nang siya pa ang tumatayong chairman ng housing board.
Inimbitahan na ni Jose Mari Oquinena, executive director ng Gawad Kalinga, ang PNP na makaiisa sa pagpapatayo ng mga bahay sa Bukidnon at Lanao del Sur sa April 21-25, at sa idaraos na 4th Caravan for Peace sa Wao, Lanao del Sur sa April 26.
Hiniling din ng Gawad Kalinga sa PNP na tumulong na magbigay ng seguridad habang isinasagawa ang nasabing aktibidad. (Joy Cantos)