40 taon sa 2 Magdalo

Dalawa sa panguna­hing lider ng rebeldeng grupong Magdalo ang hinatulan kahapon ng Makati Regional Trial Court ng parusang 40 taong pagka­bilanggo kaugnay ng Oakwood mutiny noong Hulyo 2003.

Kinilala ng korte ang dalawa na sina Capt.  Gerardo Gambala at Capt. Milo Maestre­campo na pinatawan ng parusang mula 20 hang­gang 40 taong pagkabi­langgo na may katum­bas na ring habambu­hay.   

Gayunman, pina­tawan lang ng parusang mula anim hanggang 12 taong pagkabilanggo ang mga kapwa aku­sado nila na sina Captains Alvin Ebreo, Lau­rence Louis Somera, Albert Baloloy at John Andres; 1Lt. Florentino Somera, 2Lt. Kristoffer Bryan Yasay at 1Lt. Cleo Dongga.

Ang mga nasenten­syahang dating sundalo ay kabilang sa 31 mi­yembdo ng Magdalo na nahaharap sa kasong coup d’ etat dahil sa pag­­tatangka nilang ibagsak ang gobyerno nang kub­ kubin nila ang Oakwood hotel noong 2003.

Posibleng pagka­looban ng executive clemency o presidential pardon ni Pangulong Gloria-Macapagal-Arroyo ang siyam na na­sen­tensyahan kahapon na mga miyembro ng rebeldeng grupong Mag­dalo dahil sa pagpa­ pakumbaba, paghingi ng paumanhin sa Pangulo noong 2004 at pag-amin ng mga ito sa kanilang nagawa at partisipasyon sa Oakwood mutiny.

Sa panayam kay Atty. Trixie Angeles, isa sa mga abogado ng Mag­ dalo,sinabi niya na sa sen­tensiyang ipina­taw kina Gambala at Maes­tre­campo ay wa­lang na­ganap na bargaining o kapalit ng ka­nilang nasa­bing pag-amin subalit ma­­laki uma­no ang tsan­sa ng mga ito na pagka­looban ng pardon ng Pa­ngulo.