Gumamela pinangalanang ‘Betty Go-Belmonte’

Matapos ang 14 na taon, ibayong kara­nga­lan ang iginawad kaha­pon ng University of the Philippines sa nata­tangi nitong alumnus matapos na ipa­ngalan ang isang ba­gong uri ng bulaklak na gumamela kay Star Group of Publications founder Betty Go-Bel­monte.

Ibinigay kahapon ni UP chancellor Dr. Luis Rey Velasco sa pa­milya Bel­ monte ang bulaklak na pinangala­nang “Hibiscus rosa seninsis BGB” sa pag­tatapos ng seleb­ras­yon ng “Buwan ng Kaba­ba­ihan” sa buong Marso.

“Ang Hibiscus  rosa sinesis BGB ay alay sa isang dakilang babae, isang natatanging alum­nae ng UP,” sabi pa ni Velasco.  Pinapurihan ng UP ang buhay ni Bel­monte mula sa ugat, edukasyon, paghihirap sa panahon ng digmaan at pagpupunyagi nito bilang founder ng Star Group of Publications.

Tinanggap naman ng kanyang kabiyak na si Quezon City Mayor Feliciano Belmonte Jr. at anak na sina Kevin at Joy ang naturang bulak­lak na may dilaw na petals na may kumbinas­yong pula at puti. Lu­malaki ang naturang tanim ng ka­tamtaman at may maka­pal na mga da­hon.

“Salamat po sa ka­rangalan at magan­dang bulaklak. Dahil ang aking ina ay isang mapagma­ hal na ba­bae, 14 na taon na ang nakakaraan mula nang mamatay siya pero patuloy pa namin siyang naaalala. Nasa amin pa rin ang kan­yang implu­wensya. Lalagi sa piling namin ang kanyang pa­mana,” pahayag ni Ke­vin.

Nabatid na inumpi­sahang likhain ng UP sa pangunguna nina Dr. Jose Hernandez, at Dr. Pablito Magdalita ang “hibiscus hybrid” ng gu­ mamela noon pang 1994. Ang Hibiscus BGB ang pinaka­ba­gong “specie” ng guma­mela na nalikha ng pamantasan. (Danilo Garcia)