Ika-5 oil price hike ngayong Marso ikinasa

Sa ika-limang sunod ngayong Marso ay muling itinaas kahapon ng mga kompanya ng langis sa P50 kada litro ang presyo ng kanilang produktong petrol­yo habang bilang pampalu­bag ay ibinaba naman ang presyo ng produktong Liqu­ified Petroleum Gas (LPG).

Paliwanag ng mga local na kompanya ng langis na ang patuloy na pagtaas ng presyo ng krudo sa pan­daig­digang pamilihan ang da­hilan ng paniba­ gong oil price hike. Hindi na umano nila kayang balikatin ang dating presyo ng kaya kinakaila­ngan na nila itong ipasa sa consumer.

Sa ngayon ay umaabot na sa mahigit $104 kada bariles ang presyo ng krudo sa world market.

Kahapon ng madaling-araw sinimulan ang dag­dag presyo ng Shell na agad sinundan ng Petron, Chevron, Unioil at Total. 

Dahil sa panibagong dagdag presyo ng petrolyo ay umaabot na sa hala­gang P2.50 ang itinaas nito nga­yon pa lang buwan ng Marso dahil sa limang tig-singkwenta sentimos kada litrong dagdag.

Samantala bilang pam­palubag sa publiko ay ibinaba naman nila ang presyo ng kanilang tin­dang LPG ng 50 sentimos kada kilo o P5.50 kada 11kg. (Edwin Balasa)